"ალასანია ნამუსგარეცხილი ავანტიურისტია! თავდაცვის სამინისტროს ამ არსებასთან არაფერი ესაქმებოდა"

პოლიტიკა - 12:50, 26 Jun, 2015

2843

პატიმრობაში მყოფმა თავდაცვის ყოფილმა მინისტრმა გაზეთ „ვერსიასთან“ ინტერვიუში თავდაცვის უწყების მდგომარეობა შეაფასა. ბაჩო ახალაიას თქმით ის მოვლენები რაც 2012 წლის შემდეგ ქართულ ჯარში ვითარდება საშინელებაა. „ივანიშვილმა ქართულ ჯარს მონღოლივით გადაუარა“- აღნიშნავს თავდაცვის უწყების ყოფილი ხელმძღვანელი.

ახალაია ალასანიას მინისტრობასაც აფასებს და თავდაცვის ყოფილ მინისტრს "ნამუსგარეცხილ ავანტურისტს" უწოდებს.

„ირაკლი ალასანიაზე მე ნუ მკითხავთ, ჩემი აზრი ყველამ იცის, ის ჩვეულებრივი ნამუსგარეცხილი ავატიურისტია! ჰკითხეთ მას, რატომ იფშვნეტდა ხელებს, როცა პირდაპირი მნიშვნელობით, საქართველოსთვის თავდადებულ გმირებს, ადამიანებს, რომლებმაც სისხლი დაღვარეს ქვეყნისთვის, ზუსტად ის პროკურორები და მოსამართლეები იჭერდნენ და ასამართლებდნენ უტიფრად, ვინც ახლა მის ბუღალტრებს გადაეკიდა?! ჰკითხეთ, რატომ გაწირა მათი ოჯახები, რატომ დატოვა ათასამდე ადამიანი უმუშევარი, მხოლოდ იმიტომ რომ ჩემთვის ევნო! ამის მერე ვინმე ისაუბრებს მის პროგრესულ ღირებულებებზე? ავანტიურისტებს მხოლოდ ერთი ღირებულება აქვთ - საკუთარი კეთილდღეობა და მორჩა! მართალია, იგი იყო და რჩება რუსულ საფრთხედ, მაგრამ სამწუხაროდ ჩვენმა თავდაცვის დოქტრინამ ასეთი მოვლენა თავის დროზე ვერ გაითვალისწინა. შესაბამისად, თავდაცვის სამინისტროს ამ არსებასთან არასდროს არაფერი ესაქმებოდა“, - განაცხადა ბაჩო ახალაიამ.