აშშ-ის სახელმწიფო დეპარტამენტმა საქართველოში 2014 წელს ადამიანის უფლებების მხრივ არსებული ვითარების შესახებ ანგარიში მოამზადა. დოკუმენტში ე.წ. კაბელების საქმეზეც არის საუბარი.

„მთავარმა პროკურატურამ სახელმწიფო თანხების გაფლანგვის ბრალდებით თავდაცვის სამინისტროს ხუთი მაღალჩინოსანი დააკავა. 4 ნოემბერს შვიდმა არასამთავარობო ორგანიზაციამ თავდაცვის სამინისტროს და სასამართლოს მიერ მიწოდებული ინფორმაციების საფუძველზე დაასკვნა, რომ "საქმეში დანაშაულის ნიშნების იდენტიფიცირება რთული იყო". თავდაცვის მინისტრი ირაკლი ალასანია ამბობდა, რომ ეს დაკავება პოლიტიკურად იყო მოტივირებული. ამის შემდეგ იგი პრემიერმა გადააყენა. ამას კი კოალიცია „ქართული ოცნებიდან“ „თავისუფალი დემოკრატების“ გასვლა მოჰყვა“, - ნათქვამია ანგარიშში.