თბილისის მერია სტიქიის შედეგად მიყენებული ზარალის დამთვლელი კომიისთვის, დედაქალაქის ბიუჯეტიდან 10 ათას ევროს გამოყოფის საკითხზე საკრებულოსგან თანხმობას ელის.

აღნიშნულ ფაქტს საკრებულოს ფრაქცია „ნაციონალურ მოძრაობაში“ უარყოფითად აფასებენ და ამბობენ, რომ მერიის ეს გადაწყვეტილება მათთვის გაუგებარია.

„თბილისის საკრებულო აპირებს, მერიას მისცეს თანხმობა, რომ 10 ათასი ევრო დაიხარჯოს იმ საკითხის შესწავლაში, თუ რა მდგომარეობა შეიქმნა სატრანსპორტო ნაკადების გადაადგილების მხრივ ახალი მაგისტრალის ჩაკეტვის შემდგომ. მაშინ, როცა არსებობს ტრანსპორტის საქალაქო სამსახური, გაუგებარია, რაში იხდის თბილისის მერია 10 ათას ევროს,“ - განაცხადა საკრებულოს ფრაქცია ნაციონალური მოძრაობა - თბილისის თავმჯდომარემ, ირაკლი აბესაძემ.