ევროსაბჭოში საქართველოს დელეგაციის წევრი გიორგი კანდელაკი მიიჩნევს, რომ რეზოლუციის პროქტის მიხედვით რეალურად რუსეთის წინააღმდეგ სანქციების შესუსტებას ადგილი არ ჰქონია.

ამის შესახებ კანდელაკმა ევროსაბჭოს მიერ მიღებული რეზოლუციის შეფასებისას განაცხადა.

„რუსეთის წინააღმდეგ სანქციების შესუსტებას ადგილი არ ჰქონია. არის განცდა, რომ უახლოეს მომავალში რუსეთი გარიცხული იქნება ევროსაბჭოდან. ეს აძლევს ევროსაბჭოს საშუალებას, რომ ის დემოკრატიის სტანდარტები არ შესუსტდეს ყველა წევრი სახელმწიფოს და მათ შორის საქართველოს მიმართ. იმედია ეს აღმოჩნდება საქართველოს მთავრობისთვის საკმარისი, რომ მან საკუთარი ძალისხმევა საკუთარი ძალისხმევა ხალხის და ქვეყნის პრობლემების გადასაჭრელად მიმართოს“, - განაცხადა გიორგი კანდელაკმა.

შეგახსენებთ, რუსეთს ევროსაბჭოში ხმის უფლება ისევ შეზღუდული აქვს. თვეების წინ მიღებული სანქცია საპარლამენტო ასამბლეამ ძალაში იანვრამდე დატოვა. თუმცა რეზოლუციაში არ მოხვდა საქართველოს ოკუპირებული ტერიტორიების საკითხი.