ევროსაბჭოში საქართველოს დელეგაციის წევრი ზვიად კვაჭანტირაძე ფიქრობს, რომ რუსეთს სერიოზული „ლობი გააჩნია“ და სწორედ ამიტომ ვერ მოხვდა რეზოლუციაში საქართველოს ოკუპირებული რეგიონების საკითხი.

ამის შესახებ კვაჭანტირაძემ ჟურნალისტებთან საუბრისას განაცხადა.

„კოლეგები, რომლებიც მონაწილეობენ მონიტორინგის კომიტეტის მუშაობაში ეცადნენ, რომ უკრაინის თემაზე მიგვება საქართველოს ოკუპირებულ ტერიტორიაზე რუსეთის მიერ გატარებული აქტივობები. როგორც ჩანს, რუსეთის ფედერაციას სერიოზული ლობი გააჩნია, რომლებიც ცდილობენ ხიდები არ დაწვან რუსეთთან მიმართებაში“, - განაცხადა კვაჭანტირაძემ.

შეგახსენებთ, რუსეთს ევროსაბჭოში ხმის უფლება ისევ შეზღუდული აქვს. თვეების წინ მიღებული სანქცია საპარლამენტო ასამბლეამ ძალაში იანვრამდე დატოვა. თუმცა რეზოლუციაში არ მოხვდა საქართველოს ოკუპირებული ტერიტორიების საკითხი.