"უნიკალური დღეა, მე წარმოვადგენდი საქართველოს ოპოზიციას და უკრაინის მმართველ პარტიას"

პოლიტიკა - 19:51, 25 Jun, 2015

2651

ბრიუსელში მყოფი მიხეილ სააკაშვილი, საზოგადოებრივი მაუწყებლის ჟურნალისტ ქეთევან ქარდავას ევროპაში მის ვიზიტთან დაკავშირებით ესაუბრა. საქართველოს მე-3 პრეზიდენტის და ამჟამად ოდესის ოლქის ადმინისტრაციის ხელმძღვანელის თქმით, ის ბრიუსელში ევროპის სახალხო პარტიის სამიტს, როგორც ორი ქვეყნის წარმომადგენელი, ისე დაესწრო.

„დღევანდელი დღე უნიკალური იყო ჩემთვის, დღეს მე წარმოვადგენდი საქართველოს ოპოზიციას და ამავე დროს წარმოვადგენდი, პოროშენკოს თხოვნით უკრაინის მმართველ პარტიას. საუბარი იყო უკრაინაზე, საქართველოზე სამწუხაროდ საუბარი არ ყოფილა, დღეს ჩვენ გვაქვს დიდი კონფლიქტების საფრთხე, ამიტომ მე ვაპირებ რამდენიმე ევროპული დედაქალაქი მოვიარო, რათა დახმარება ვითხოვოთ, რომ არ დავუშვათ შემდეგი ჩარევები ჩემს რეგიონში, რომელიც სიდიდით ბელგიის ხელაა და დღევანდელი მგომარეობით 3 მილიონამდე მოსახლეობაა და ძალიან ჭრელი შემადგენლობაა, ეს არის ძალიან დიდი საფრთხე, რომ იქ რამე არ მოხდეს. ეს საქართველოსაც ეხება, კარგად უნდა დახედო რუკას , რომ მიხვდე, რამე რომ მოხდეს უკრაინის შავიზღვისპირეთში, ავტომატურად მოიჭრება ევროპისგან მთელი საქართველო და კავკასია, ეს არის ორჯერ ორი ოთხი. პირდაპირ ამ დღეებში და თვეებში მიდის ბრძოლა გასანეიტრალებლად, იმ საფრთხეების რომელიც გვაქვს. ჩვენს რეგიონში რუსეთისგან დანიშნული სეპარატისტების ლიდერი არის ვლადისლავ არძინბას შთამომავალი ინალ არძინბა, ეს უკვე ყველაფერზე მეტყველებს.“- განაცხადა მიხეილ სააკაშვილმა.