,,ხელისუფლება ცრუობს... ეს ვერტმფრენები ხალხის გადასარჩენად ჩამოვიყვანეთ...“

,,ხელისუფლება ცრუობს... ეს ვერტმფრენები ხალხის გადასარჩენად ჩამოვიყვანეთ...“ - სააკაშვილი

პოლიტიკა - 19:41, 25 Jun, 2015

3832

ბრიუსელში მყოფი მიხეილ სააკაშვილი, საზოგადოებრივი მაუწყებლის კორესოპონდენტს ქეთევან ქარდავას იმ ვერტმფრენების შესახებ ესაუბრა, რომელიც მისი მმართველობის პერიოდში საქართველომ საფრანგეთისგან შეიძინა. საქართველოს მე-3 პრეზიდენტის თქმით, საქართველოს ამჟამინდელი ხელისუფლება ცრუობს, როდესაც აცხადებს, რომ 13 ივნისის სტიქიის დროს აღნიშნული ვერტმფრენების სამაშველო მიზნით გამოყენება შეუძლებელი იყო:

„აქ იყო ნიკოლა სარკოზი დავილაპარაკეთ იმ ვერტმფრენებზე, რომელიც თავის დროზე გვაჩუქეს, რამდენი უნდა ილაპარაკონ ტყუილები, ჰყავდათ ოთხი ვერტმფრენი და კიდევ ორის ყიდვის შესაძლებლობა იყო, ერთი იყო მართლა მთავრობის და სტუმრების სატარებლად, რომელიშიც მე ერთი დღე არ ვმჯდარვარ და დანარჩენი იყო სამაშველო რთულ კლიმატურ პირობებში და ღამე სამუშაოდ. მიიყვანონ ხალხი და დაათვალიერებინონ. მთელი ცხოვრება ვერტმფრენებით დავფრინავდი, ვერტმფრენი იმისია, რომ ბოძს მოუაროს, აფრინდეს, დავიდეს, ეს ხომ თვითმფრინავი არაა, ბოძები უშლის ხელს თვითმფრინავებს. მიზეზი იყო ერთი ადამიანის ახირება, რომ რაც სააკაშვილმა გააკეთა არის ყველაფერი ცუდი. მე როცა ეს ვერტმფრენი ჩამომქონდა, ის მე ვერ მომისწრებდა, ჩემთვის არ ჩამომქონდა. სარკოზის პირადი მითითებით მოგვცეს დაბალ პროცენტში და გადაგვახტუნეს რიგს, რომელშიც რუსეთიც იყო. ეს ვერტმფრენები იყო იმისთვის, რომ ხალხი გადარჩენილიყო. თვითმფრინავები ვერ დაფრინავენ ბოძებში, ვერტმფრენები ბოძებშიც დაფრინავენ და ხეობებშიც, ეს არის მათი ფუნქცია, სხვა ფუნქცია მათ არა აქვთ, ეს ვერტმფრენი უფრო მანევრირებადიცაა და უფრო ეფექტურიც, ვიდრე რუსული და შეუძლია ღამე ფრენა“- განაცხადა მიხეილ სააკაშვილმა.