ქართული ელექტრონული მუსიკის ფესტივალი წელს ანაკლიაში პირველად გაიმართება, თუმცა მიუხედავად იმისა, რომ მონაწილეთა სრული სია ჯერ არ გამოცხადებულა, საქართველოშიც და საზღვრებს გარეთაც საკმაოდ სერიოზული გამოხმაურება აქვს.

ორშაბათს, 29 ივნისს, დაინტერესებულ საზოგადოებას ლაინ-აფის მესამე ნაწილის შესახებ გააცნობენ ინფორმაციას.

არმინ ვან ბიურენი, ანდრე ქრომი, ანუშკა, Booka Shade, Dubfire და სხვა ცნობილი დიჯეები ანაკლიაში 9 დღის განმავლობაში რამდენიმე სცენას დაიკავებენ. მაყურებელს კი საშუალება ექნება, ბევრი სხვა გასართობითაც შეიქციოს თავი და იცხოვროს კეთილმოწყობილ კარავში, ფესტივალის ტერიტორიაზე.

15 ივნისიდან ორგანიზატორებმა პირველი 1000 ბილეთი მომხმარებელს სპეციალურ ფასად წარუდგინეს, ცხრა დღის განმავლობაში ფესტივალის ტერიტორიაზე მრავალჯერადად შესვლისთვის აუცილებელი მულტი-პასი პირველ ათას ადამიანს 99 ლარად ერგო. ეს რაოდენობა უკვე გაყიდულია, ამიტომაც 26 ივნისიდან მულტი-პასის ფასი იცვლება.

gem fest ანაკლიაში 30 ივლისიდან 7 აგვისტოს ჩათვლით ჩატარდება. ბილეთების შეძენა შეგიძლიათ საიტზე eventer.ge.