რა ხელფასი მიატოვა უკრაინის გამო სააკაშვილმა აშშ-ში

პოლიტიკა - 12:35, 25 Jun, 2015

4478

მედიაში გავრცელებულ ცნობებს, სააკაშვილის უკრაინული ხელფასის შესახებ, სოციალურ ქსელში თავად მიხეილ სააკაშვილი გამოეხმაურა, მისი თქმით იმისდა მიუხედავად რომ მას გაცილებით კარგი ხელფასი ქონდა აშშ-ში, ის უკრაინაში მუშაობას მაინც დათანხმდა, რადგან სახელმწიფო სამსახურში ის არა ფულის გამო, არამედ იდეის გამო წავიდა:

„იმათთვის ვისაც ეს აინტერესებს, ოდესაში დანიშვნამდე ჩემი ამერიკული ხელფასი თითქმის 200 ათას დოლარს შეადგენდა, ამას დამატებული შემოსავლები ლექციებიდან და საჯარო გამოსვლებიდან. მე და ჩემი მეგობრები სახელმწიფო სამსახურში ფულის გამო არ მოვდივართ, საერთოდ საზოგადოების სამსახური ყოველთვის უფრო მნიშვნელოვანია ვიდრე ფული. ძნელია აუხსნა გაჭირვებულ მოსახლეობას, რომ სახელმწიფო მოხელეებს კარგი ხელფასი უნდა ქონდეს.

ჩემი მტკიცე რწმენით საჭიროა გადმოვიბიროთ სახელმწიფო სამსახურში საჭირო ადამიანები და რამდენიმე ხნის შემდეგ, როდესაც საგადასახადო შემოსავლები გაიზრდება, უფრო სწორად, როდესაც ფული ბიუჯეტში წავა და არა კორუფციონერების ჯიბეში, ჩენ შევძლებთ მათ ღირსეული ხელფასიც მივცეთ და ამავდროულად ჩვენ შევძლებთ პენსიის გაზრდას, გზების აშენებას და შეიარაღებული ძალების უკეთესად აღჭურვასაც“- წერს მიხეილ საააკაშვილი და მისი ამერიკული ხელფასის დამადასტურებელ დოკუმენტსაც აქვეყნებს.