"სუპერ პუმას" ვერტმფრენები შინაგან საქმეთა სამინისტროს გადაეცა. ამის შესახებ შეიარაღებული ძალების გენერალური შტაბის უფროსმა ვახტანგ კაპანაძემ განაცხადა.

მისი თქმით, სწორედ გომელაურის უწყება გადაწყვეტს რა დანიშნულება მისცეს ვერტფმრენებს.

"სუპერ პუმას" ვერტმფრენები გადაეცა შინაგან საქმეთა სამინისტროს. შესაბამისად, შსს განახორციელებს მათზე როგორც მომსახურებას, ისე გამოყენებას", - განაცხადა კაპანაძემ.

შეგახსენებთ, „სუპერ პუმას“ ტიპის ვერტმფრენები აქამდე ეკონომიკის სამინისტროს ბალანსზე იყო.ვრცელდებოდა ინფორმაცია, რომ მთავრობა მის გაყიდვას აპირებდა. თუმცა თავდაცვის მინისტრმა ეს ინფორმაცია უარყო და განაცხადა, რომ აღნიშნული ვერტმფრენები საქართველოში დარჩება. ამ განცხადების შემდეგ გაჩნდა კითხვა, თუ რატომ არ იქნა გამოყენებული აღნიშნული ვერტმფრენები სტიქიის ღამეს. შინაგან საქმეთა და თავდაცვის მინისტრების ინფორმაციით, „სუპერ პუმას“ გამოყვანას შესაძლოა გაცილებით მეტი მსხვერპლი მოჰყოლოდა. როგორც გომელაურმა განაცხადა, რომ ვერტმფრენებს შემოწმება სჭირდებოდა, რადგან ის დიდი ხანია ერთ ადგილზე უძრავად დგას.