ევროსაბჭოს შენობის წინ აქცია იმართება. ადგილზე უკრაინის წარმომადგენლები არიან შეკრებილები. ისინი ამ ფორმით ევროსაბჭოსგან რუსეთის მიმართ რადიკალური ზომების მიღებას ითხოვენ. მათი თქმით, რუსეთს ხმის გამოყენების უფლებაზე მორატორიუმი უნდა გაუგრძელდეს და გარიცხული იყოს ევროსაბჭოს საპარლამენტო ასამბლეიდან.

„ვითხოვთ რუსების მიერ დაკავებული უკრაინელი ტყვეების გათავისუფლებას. ასეთი 400 ადამიანია. 1500 დაკარგულად ითვლება. ევროსაბჭოს ჩარევის გარეშე მათ ცოცხლებს ვერ ვნახავთ“, - განაცხადა აქციის ერთ-ერთმა მონაწილემა.

ევროსაბჭოს საპარლამენტო ასამბლეა ცოტა ხანში კენჭს უყრის რეზოლუციას და შესაბამისად, ცნობილი გახდება რუსეთს ხმის უფლებას აღუდგენენ, თუ მის წინააღმდეგ ახალი, უფრო მკაცრი ზომები გატარდება.