საპარლამენტო უმცირესობის ლიდერი დავით ბაქრაძე ევროსაბჭოს ასამბლეის წევრებს მოუწოდებს წევრებს რეზოლუციაში საქართველოს ოკუპირებულ რეგიონებზე შესწორებას მხარი დაუჭირონ.

ამის შესახებ ბაქრაძემ სხდომათა დარბაზში სიტყვით გამოსვლისას განაცხადა.

მისი თქმით, ეხლა არის ის დრო როდესაც ევროსაბჭომ პრინციპულობა უნდა გამოიჩინოს.

ბაქრაძემ ასევე აღნიშნა, რომ რუსეთმა უკვე სამი რეზოლუცია დაარღვია, რომელიც საქართველოსთან მიმართებაში იყო მიღებული.

„ნებისმიერი ორგანიზაციის მიმართ ნდობა დამოკიდებულია მისივე შესაძლებლობაზე დაიცვას საკუთარი ღირსებები და მიღწეული გადაწყვეტილებები. უკრაინა არ არის რუსეთის ქმედებების ერთადერთი მსხვერპლი, მისი მსხვერპლია საქართველოც. რუსეთმა მოახდინა ოკუპირებულ სამხრეთ ოსეთთან ხელმოწერილი ე.წ. დოკუმენტის რატიფიცირება და ამით ცდილობს სრულად შთანთქოს საქართველოს რეგიონები. ამიტომ მოვითხოვთ საქართველოს ნაწილის შეტანასაც ამ რეზოლუციაში და გთხოვთ მხარი დაუჭიროთ ამ შესწორებას“, -განაცხადა დავით ბაქრაძემ.

ევროსაბჭოს საპარლამენტო ასამბლეა ცოტა ხანში კენჭს უყრის რეზოლუციას და შესაბამისად, ცნობილი გახდება რუსეთს ხმის უფლებას აღუდგენენ, თუ მის წინააღმდეგ ახალი, უფრო მკაცრი ზომები გატარდება.