იუსტიციის მინისტრის ინფორმაციით, შესაძლოა წლის ბოლოს საქართველომ ახალი მთავარი პროკურორი წარადგინოს.

თეა წულუკიანის თქმით, ეს იმ შემთხვევაში მოხდება, თუ პროკურატურის რეფორმირების შესახებ კანონპროექტი ძალაში შევა.

"როდესაც კანონი შევა ძალაში საჭირო იქნება ახალი პროცედურების ამოქმედება და ჩვენ მოგვიწევს თავიდან შევარჩიოთ და ავარჩევინოთ ახალი პროცედურებით მთავარი პროკურორი. იქნება იგივე პროკურორი თუ სხვა, ამაზე პასუხი არ მაქვს და თავს შევიკავებ. მთავარ პროკურორს ჩემი წარდგინების გარეშე ვერავინ მოხსნის და ამ წარდგინებაზე მე დღეს არ მიფიქრია, ველოდები რეფორმებს. როდესაც რეფორმა იქნება, რა თქმა უნდა, შემდეგ ახალი პროცედურით, ჩვენ წლის ბოლომდე თუკი პარლამენტში კვორუმი შედგება, ავირჩევთ ახალ მთავარ პროკურორს", - განაცხადა წულუკიანმა.