„ნაციონალური მოძრაობის“ წევრის მიხეილ მაჭავარიანის თქმით, თუ ხელისუფლება ეკონომიკას არ მიხედავს, ყველაფერი უკან დარჩება.

ამის შესახებ დეპუტატმა პლენარულ სხდომაზე განაცხადა.

მისი თქმით, სეკვესტრთან დაკავშირებით ფინანსთა სამინისტროს განცხადება უსაფუძვლოა, რადგან ბიუჯეტის ვარიანტი დეკემბერში იქნა მიღებული.

"დღეს გავრცელდა ფინანსთა სამინისტროს განცხადება სეკვეტრთან დაკავშირებით. ამის ერთ-ერთი მთავარი მიზეზი ჟღერს ასე: "რეგიონსა და ზოგადად, მსოფლიო ეკონომიკაში არსებული ეკონომიკური და პოლიტიკური სიტუაციის გათვალისწინებით, რასაც პირდაპირი გავლენა აქვს საქართველოს ეკონომიკაზე, შეიცვალა მიმდინარე წლის ეკონომიკური ზრდის პროგნოზი". არ დაგავიწყდეთ, ბიუჯეტი დეკემბერში მიიღეთ. დეკემბერის თვეში რა, რუსეთი არ იყო შეჭრილი უკრაინაში? სანქციები არ ჰქონდა დაწესებული რუსეთს? ეკონომიკური ზრდა უკეთესი იყო? ჩვენ ხომ გაფრთხილებდით, რომ პრობლემები შეგექმნებოდათ და ფაქიზოსავით არ უნდა გაგებერათ ბიუჯეტი, რადგან ეკონომიკური ზრდა თქვენს პირობებში მინიმალური იქნებოდა", - განაცხადა მიხეილ მაჭავარიანმა.