,,ასე მოიქცა ლატვიის პრემიერ-მინისტრი... ჩვენთან კი პასუხს არავინ არაფერზე აგებს“

,,ასე მოიქცა ლატვიის პრემიერ-მინისტრი... ჩვენთან კი პასუხს არავინ არაფერზე აგებს“ - მალხაზ პატარაია

სოც.მედია - 14:57, 24 Jun, 2015

2078

მოძრაობა ,,დაბრუნების“ თავმჯდომარე და ,,აფხაზთა კრების“ ერთ-ერთი ლიდერი მალხაზ პატარაია სტიქიური უბედურების შემდეგ ხელისუფლების პირველ პირთა პასუხისმგებლობაზე წერს და მაგალითად ლატვიის პრემიერ-მინისტრი მოჰყავს.

,,შარშანწინ რიგის სავაჭრო ცენტრის ჩამონგრევისა და მსხვერპლის გამო ერთ კვირაში ლატვიის პრემიერ-მინისტრი ვალდის დომბროვსკისი გადადგა. ასე იქცევიან ევროპაში. საზოგადოების წინაშე პასუხისმგებლობის მქონე პოლიტიკოსებისათვის ეს აქსიომაა. ჩვენთან კი როგორც რუსეთში და ადრე საბჭოთა კავშირში-არავინ არაფერზე პასუხს არ აგებს.

მეგობრებთან ვსაუბრობდით თბილისის ტრაგედიის მიზეზებზე. გამიზნული და განზრახი ანტისახელმწიფოებრივი და ანტისაზოგადოებრივი მოქმედება ამ ხელისუფლებისათვის უცხო ხილი არ არის პირიქით მისი მოქმედების წესია. მაგრამ ვიფიქრეთ, რომ ამ შემთხვევაში საქმე გვაქვს მის მკაფიოდ გამოხატულ სხვა მახასიათებელთან - როგორც დღეს ყველა ამბობს, უნიათობასთან.

ეხლა კი უკვე ეჭვის ჭია მიღრღნის გონებას. ახალი ინფორმაციებით, სულ უფრო ძნელი ხდება მომხდარის მხოლოდ ჩინოსანთა უქნარობით და არაკომპეტენტურობით, გნებავთ გულგრილობით ახსნა. ვინმემ შეგნებულად ხომ არ დაუშვა ეს ქაოსი მოწინააღმდეგეებისაკენ თითის გასაშვერად, რეპრესიების ახალი ტალღის ასაგორებლად და თავის ძალაუფლების განსამტკიცებლად. ასეთი რამეც კარგად იციან რუსეთში.

ჯერ-ჯერობით ისევ ძველ აზრზე ვარ, თუმცა არც ეს ვერსიაა ალბათ უკვე გამოსარიცხი.

ყოველ შემთხვევაში, ამჟამად ცნობილი და გააზრებული ფაქტები საკმარისია, რომ ღარიბაშვილი ისევე მოიქცეს, როგორც მისი ლატვილელი კოლეგა. ნარმანიაზე ხომ უკვე არაფერს ვამბობ“ - წერს მალხაზ პატარაია.