ფინანსთა მინისტრი ნოდარ ხადური ბიუჯეტის კორექტირებასთან დაკავშირებით ეროვნული ბანკის ყოფილი პრეზიდენტის განცხადებებს უპასუხისმგებლოს უწოდებს.

მისი თქმით, ნამდვილად შემცირდა რამდენიმე სამინისტროს ბიუჯეტი, თუმცა ეს მოხდა სტიქიის გამო. ხადური ინტერესდება როგორ მოიქცეოდა აღნიშნულ შემთხვევაში თავად რომან გოცირიძე.

"ბატონ რომან გოცირიძე აკეთებს ისეთივე განცხადებებს როგორც მართავდა საქართველოს ეკონომიკას კუპონის დროს. მისი განცხადებები თითიდან გამოწოვილია. ჩვენ ნამდვილად შევამცირეთ ბიუჯეტის ხარჯვითი ნაწილი სამინისტროებსა და უწყებებში და ამავე დროს ნამდვილად იმის გამო რომ სტიქია მოხდა საქართველოში, ჩვენ გვიწვეს თანხების მიმართვა სტიქიურ უბედურებებზე. მაინტერსებს გოცირიძე სხვანაირად თუ მოიქცეოდა. როგორ იქცეოდა ის როცა ვიცე-პრემიერი ან ეროვნული ბანკის პრეზიდენტი იყო, მეც ძალიან კარგად მახსოვს და საქართველოს მოსახლეობასაც, გაცვლით კურსზე მაშინ ენერვიულა“, - განაცხადა ხადურმა.

შეგახსენებთ, ეროვნული ბანკის ყოფილმა პრეზიდენტმა განაცხადა, რომ ბიუჯეტის შემცირება 250-300 მილიონი ლარის ფარგლებში უნდა განხორციელდეს.