თბილისის მერი დავით ნარმანია მიიჩნევს, რომ კოლექტორის ვერეს ხეობაში ჩაშვებასთან დაკავშირებით დეზინფორმაციები ვრცელდებოდა.

დედაქალაქის მთავრობის სხდომაზე ნარმანიამ კიდევ ერთხელ აღნიშნა, რომ კოლექტორს მოხალისეებთან შეხება არ ჰქონიათ და ცრუ ინფორმაციებს მათი პოლიტიკური ოპონენტების მიერ შექმნილი ორგანიზაციები ავრცელებენ.

„მოვუწოდებ ცალკეულ ორგანიზაციებს და ცალკეულ მედიასაშუალებებს, რომ მაქსიმალურად გადაამოწმონ ინფორმაცია, ვიდრე მას გაავრცელებენ. ეს განსაკუთრებით ეხებათ იმ ორგანიზაციებს, რომლებიც ჩვენი პოლიტიკური ოპონენტების მიერ არის შექმნილი. მაგალითისთვის გეტყვით, წყლის გამწმენდი ნაგებობის დაზიანებასთან დაკავშირებულ საკითხზე, გავრცელებულდა ინფორმაცია, თითქოს მას მოხალისეებთან ჰქონდა შეხება. თუმცა მას მოხალისეებთან რაიმე სახის შეხება არ ჰქონია და მითუმეტეს მოწამვლის ფაქტები არ ყოფილა“, - განაცხადა ნარმანიამ.