პარლამენტში შინაგან საქმეთა სამინისტროს და პროკურატურის რეფორმირებაზე იმსჯელებენ. შსს-ს რეფორმირება მისგან უსაფრთხოების სამსახურის გამოყოფას გულისხმობს. ხოლო პროკურატურის რეფორმის მიხედვით მთავარი პროკურორი შესაძლოა არჩევითი ფიგურა გახდეს.

უკვე ცნობილია, რომ საპარლამენტო ოპოზიცია აღნიშნულ ცვლილებებს არ ემხრობა. როგორც „ნაციონალურ მოძრაობაში“ აცხადებენ, სუს-ის შექმნით მთავრობას სურთ ჩამოყალიბდეს ახალი სამსახური, რომელსაც სათავეში ივანიშვილის რომელიმე დაცვის წევრი ჩაუდგება.

„არანაირი სიახლე ამ კანონპროექტით გათვალისწინებული არ არის, პრაქტიკულად 90 პროცენტით, კანონპროექტი ითვალისწინებს დღეს უკვე არსებულ რეგულირებას უსაფრთხოების სამსახურის კანონიდან გამომდინარე,“ - განაცხადა ბეჟაშვილმა.