ფინანსთა მინისტრის ინფორმაციით, ბიუჯეტის კორექტირება ყველაზე მეტად შინაგან საქმეთა და თავდაცვის სამინისტროებს შეეხოთ.

როგორც ნოდარ ხადურმა მთავრობის სხდომაზე განაცხადა, ყველაზე მეტი თანხა სწორედ დასახელებულ უწყებებს შეუმცირდათ.

„მინდა კოლეგებს მადლობა ვუითხრა, რომ არსებულ პრობლემებს გაგებით მოეკიდნენ. ყველაზე დიდი დანაკლისი ამ თვალსაზრისით განიცადა თავდაცვის და შინაგან საქმეთა სამინისტროებმა. თუმცა ვთქვა, რომ ბიუჯეტის კორექტირების ფარგლებში ცვლილებები კაპიტალურ და სოციალურ ხარჯებს არ შეხებია და მხოლოდ მიმდინარე ხარჯები შემცირდა“, - განაცხადა ხადურმა.

ფინანსთა მინისტრმა პრემიერს ბიუჯეტის კორექტირებული ვარიანტი მთავრობის დღევანდელ სხდომაზე წარუდგინა. ცნობილია, რომ სახელმწიფო ბიუჯეტი დაახლოებით 140 მილიონით შემცირდა.