"სუპერ პუმას" ტიპის ფრანგული ვერტმფრენები შინაგან საქმეთა სამინისტროს გადაეცემა. ამის შესახებ მთავრობის სხდომის დაწყებამდე შინაგან საქმეთა მინისტრმა განაცხადა.

მისი თქმით, ვერტმფრენებს სამაშველო და სასაზღვრო მონიტორინგის სამსახურები გამოიყენებენ.

რაც შეეხება კითხვას, თუ რატომ არ იქნა სტიქიის დროს გამოყენებული ვერტმფრენები, გომელაურმა განაცხადა, რომ ვერტმფრენებს შემოწმება სჭირდებოდა, რადგან ის დიდი ხანია ერთ ადგილზე უძრავად დგას.

„იყო ჩამოვარდნის საფრთზე და ბიჭების სიცოცხლეს ვერ გავრისკავდით“, - აცხადებს გომელაური.

შეგახსენებთ, „სუპერ პუმას“ ტიპის ვერტმფრენები ეკონომიკის სამინისტროს ბალანსზე იმყოფება. ვრცელდებოდა ინფორმაცია, რომ მთავრობა მის გაყიდვას აპირებდა. თუმცა თავდაცვის მინისტრმა ეს ინფორმაცია უარყო და განაცხადა, რომ აღნიშნული ვერტმფრენები საქართველოში დარჩება.