,,ხელისუფლება ვაკე-საბურთალოს გზის თემაზე პოლიტიკური ქულების დაგროვებას ცდილობს“

პოლიტიკა - 20:28, 22 Jun, 2015

1354

სტიქიიდან მეორე დღეს თბილისის პროკურატურამ გამოძიება დაიწყო სამშენებლო სამუშაოების წარმოებისას უსაფრთხოების წესების შესაძლო დარღვევის ფაქტზე, რასაც ადამიანების სიცოცხლის მოსპობა და სხვა მძიმე შედეგი მოჰყვა. პროკურატურამ თბილისის მერიის კეთილმოწყობის სამსახურიდან ვაკე-საბურთალოს ახალ გზასთან დაკავშირებული დოკუმენტაცია გამოითხოვა - ამის შეასახებ ,,კვირის პალიტრა“ წერს. საინტერესოა, რომ დოკუმენტაციაში პროექტის გეოლოგიური დასკვნა არ აღმოჩნდა. ,,ის დოკუმენტების ნუსხაში ფიგურირებს, თუმცა, კეთილმოწყობის სამსახურის არქივში არ არის. შესაძლოა, დასკვნა პროექტის შემსრულებელ კომპანიას ჰქონდეს ან საერთოდ არც არსებობდეს“ - წერს გამოცემა.

ამ ინფორმაციას პროექტის ავტორი და მერიის ყოფილი მაღალჩინოსნები არ ადასტურებენ. მერიის ყოფილი თანამშრომელი ირაკლი აბესაძე პოლიტიკურ სპეკულაციაზე საუბრობს.

„გეოლოგიური დასკვნები არა ერთი არსებობს პროექტში, საქართვლოს პროკურატურას ის უკვე მოპოვებული და ამოღებული აქვს, შესაბამისად ეს სიტუაცია მთლიანად ემსგავსება პოლიტიკური ქულების დაგროვების მცდელობას ამ მძიმე ტრაგედიიდან გამომდინარე საზოგადოებაში არის შეკითხვები და ყველა შეკითხვას პასუხი უნდა გასცეს პროკურატურამ,“ - ამბობს ირაკლი აბესაძე.

პროექტის ავტორის თამაზ შილაკაძის მტკიცებით პროექტს გეოლოგიური დასკვნა აქვს. როგორც შილაკაძე ,,კურიერთან“ ამბობს, მან სრულყოფილი პროექტი წარადგინა, რომელსაც ეკოლოგიური და გეოლოგიური დასკვნები ჰქონდა. ის უახლოეს მომავალში ამ დოკუმენტის გასაჯაროებას გეგმავს.