„ახალგაზრდა იურისტთა ასოციაციის“ ინფორმაციით, აღკვეთის ღონისძიების სახით პატიმრობის შეფარდებამ ბოლო ერთი წლის განმავლობაში იკლო. აღნიშნულ თემაზე არასამთავრობო ორგანიზაციამ მონიტორინგი ჩაატარა. "საია" შეთხვევითი შერჩევის პრინციპით პროცესებს თბილისში, ქუთაისსა და ბათუმში აკვირდებოდა. ისინი საქალაქო და სააპელაციო სასამართლოებში ათასზე მეტ პროცესს დაესწრნენ.

"გაზრდილია და ეს დადებით შეფასებას იმსახურებს აღმკვეთი ღონისძიების სახით პატიმრობის ალტერნატიული ღონისძიებების გამოყენება. ერთის მხრივ სასამართლო და მეორეს მხრივ სამართალდამცავები ვალდებული არიან არ ჩაატარონ და არ დააკანონონ ჩხრეკა და ამოღება, როდესაც არ არის სათანადოდ დასაბუთებული და არგუმენტირებული გადაუდებებლი აუცილებლობა. ამ მიმართულებით კვლავ სერიოზული პრობელები",- აცხადებს "საიას" თავმჯდომარე ანა ნაცვლიშვილი.