პარლამენტში დღეიდან მთის კანონპროექტის განხილვა იწყება. დეპუტატები აღნიშნულ საკითხზე ჯანდაცვის კომიტეტში იმსჯელებენ.

„მნიშვნელოვანია, რომ შეიქმნება მთის ეროვნული საბჭო, რომელშიც გაერთიანდებიან როგორც აღმასრულებელი ისე საკანონმდებლო ორგანოს წარმომადგენლები, ექსპერტები, არასამთავრობო სექტორის წარმომადგენლები. ასევე შეიქმნება მთის განვითარების ფონდი, რომლის თანხებსაც განკარგავს საქართველოს მთავრობა საბჭოსთან შეთანხმებით“, - განაცხადა დიმიტრი ხუნდაძემ.

კანონპროექტი მაღალმთიანი რეგიონების მოსახლეობისთვის საგადასახადო შეღავათებსაც გულისხმობს.