,,მას მოსე ჰქვია... მინდა რომ იცნობდეთ და როცა გვერდს გაუვლით ესალმებოდეთ“

სოც.მედია - 17:01, 21 Jun, 2015

4783

"მას მინდა რომ იცნობდეთ და ესალმებოდეთ როცა ჭავჭავაძეზე, თბილისის მარშუტების ახალ სადგურთან გვერდს გაუვლით“ - ფეისბუქის ერთ-ერთი მომხმარებელი ასაკოვანი მამაკაცის ისტორიას ჰყვება, რომელიც თბილისში სტიქიით დაზარალებულ ადამიანებს საკუთარი შრომით დაგროვილ მცირედ თანხას უნაწილებდა.

,,როდესაც ამ ადამიანის ცრემლები დავინახე, მივხვდი, თუ როგორ უნდოდა თუნდაც 50 თეთრი შემოეწირა ჩვენთვის. რაც უფრო უმძაფრდებოდა სურვილი მით უფრო მატულობდა ცრემლის ნაკადი უპეებში. შემდეგ ერთმა ქალბატონმა მისგან მისივე ხელით გაკეთებული ნაკეთობა შეიძინა და თვალებ ანთებული მოხუცი, ჩვენსკენ გამოეშურა, ძლივს გაყიდულ ნივთში აღებული ფული სრულად გადმოგვცა და დაგვლოცა. თბილისელმა, ძალიან მაგარმა ადამიანმა, რომელიც თბილისში ბრუნდებოდა ქუთაისიდან ეს დაინახა და მივიდა მასთან და სამაგიეროდ შეიძინა ისევ მისგან კაეთობა და ფული გადასცა, მაგრამ მოხუცმა ისიც ყულაბაში ჩააგდო.

გვიცქედა და მაინც ვერ ძღებოდა, რაღაც აკლდა გულს. რამოდენიმე ხანში დავინახე თუ როგორ მოდიოდა ჩვენსკენ ბაზრიდან არყით, ლავაშით, ატმითა და ბლით სავსე ცელოფნებიც ეჭირა. ნამდვილი ქართული სული დავინახე მასში როცა დაგვლოცა. თბილისელებისთვის ხატი გვაჩუქა(მისივე ხელით გაკეთებული). ასეთი სითბო, ასეთი სიკეთე ადამიანისგან პირველად ვიგრძენი. მან რაც გააკეთა ასე არცერთი სხვა მასზე უფრო შეძლებულს არ ექნება განაკეთები. მან ბოლო ლუკმაც არ დაიტოვა მისთვის. რაც მთავარი სულით და გულით. ამ მოხუცს მოსე ქვია. იცნობდეთ, მოსე ჭეიშვილი. ოღონდ ბიბლიური მოსესგან იმით განსხვავდება, რომ ის ზღვას ყოფდა, ეს კი მისი სიკეთით ადამიანებს აერთიანებს" - ნათქვამია სტატუსში.