ქუთაისში მიკროავტობუსების მძღოლთა გაფიცვას ადგილობრივი მერია პასუხობს

პოლიტიკა - 14:04, 21 Jun, 2015

1511

ქუთაისში 280-მდე მიკროავტორბუსის მძღოლმა ქალაქში სამუშაოდ გასვლაზე უარი განაცხადა. ქალაქში მხოლოდ მხოლოდ ავტობუსები მოძრაობენ. მიკროავტობუსის მძღოლების გაფიცვას ადგილობრივი ხელისუფლებაში გამოეხმაურნენ. ქუთაისის მერიაში აცხადებენ, რომ კერძო კომპანიების მძღოლთა ტრანსპორტის პირობების გაუმჯობესება არა მერიის, არამედ კომპანიის კომპეტენციაში შედის, ხოლო მერია ახალ კონკურს იმის გამო ატარებს, რომ სატენდერო პირობებით ძველ გადამყვანებს ვადა ამოეწურათ.

ქუთაისის მერიის ტრანსპორტის განყოფილების უფროსი მძღოლების პრეტენზიებს უსაფუძვლოს უწოდებს. რაც შეეხება იმას, რომ მძღოლები კონკურსის პირობებით უკმაყოფილო არიან, ირაკლი ცხვედიანის ამბობს, რომ მთავრობას არანაირი ახალი ხაზები არ დაუმატებია და არც სამუშაო ადგილები შეუმცირებია. მისივე განმარტებით, მუშაობს ყველა ავტობუსი და მიკროავტობუსი, რომელთა მძღოლებმა კონკურსი გაიარეს. ცხვედიანი ამბობს, რომ კონკურსი გამჭვირვალედ ჩატარდა და ქალაქში იგივე სატრანსპორტო სისტემა რჩება, რაც იყო. ცხვედიანი ამბობს, რომ კონკურსი მგზავრთა პირობების გაუმჯობესებას ემსახურება. ამასთან, ცხვედიანი აცხადებს, რომ სატრანსპორტო კომპანიების ნაწილის უკმაყოფილება იმან გამოიწვია, რომ კონკურენტუნარიანი პირობების დროს ისინი კონკურსში ვერ გაიმარჯვებენ.