სურვილის შემთხვევაში, სააკაშვილი მზად არის მარგველაშვილს შეხვდეს

პოლიტიკა - 11:25, 21 Jun, 2015

2481

საქართველოს ყოფილი პრეზიდენტი მიხეილ სააკაშვილი და მოქმედი პრეზიდენტი გიორგი მარგველაშვილი ბრატისლავაში, GLOBSEC-ის ფორუმში ერთად მონაწილეობენ, თუმცა, მათ შორის კომუნიკაცია არ შემდგარა. მიხეილ სააკაშვილის თქმით, სურვილის შემთხვევაში ის მზად არის, გიორგი მარგელაშვილს შხვდეს.
სააკაშვილმაც და მარგველაშვილმაც ფორუმზე უკვე წარმოადგინეს საკუთარი მოსაზრებები, რომელიც სხვადასხვა საკითხებს შეეხებოდა.

„ოდესაში წყდება უკრაინის ბედი. მაგრამ, თუ შავი ზღვისპირეთში სიტუაცია არიეს, საქართველოს ეს ეგზისტენციალურ საფრთხეს შეუქმნის. საქართველო ისეთ მდგომარეობაშია, როდესაც შიგნიდან ძალიან სუსტდება, ზუსტად ისე, როგორც უკრაინა დაასუსტეს წინა წლებში, იანუკოვიჩის მთავრობის დროს. იმ პირობებში, როდესაც გლობალური პოლიტიკა ძალიან მერყევია და შიგნითაც ძალიან ვსუსტდებით, ყველა მაქსიმალურად ფრთხილად უნდა ვიყოთ,“ - აცხადებს მიხეილ სააკაშვილი.

გიორგი მარგველაშვილმა თავის გამოსვლაში რუსეთის აგრესიულ ქმედებებზე ისაუბრა, რომელსაც იგი საქართველოს წინააღმდეგ ახორციელებდა და ახორციელებს ოკუპირებულ ტერიტორიებზე.
რაც შეეხება სააკაშვილს იგი ფორუმზე უკრაინაში არსებულ პრობლემებზე საუბრობდა.
უახლოეს საათებში მარგველაშვილი აშშ სენატორ ჯონ მაკკეინს შეხვდება, რომელსაც მიხეილ სააკაშვილი უკვე შეხვდა.