ერთი ტრაგიკული ამბის, ჩემეული, ძალიან მოკლე და ზოგადი სქემა. მაგრამ რა მოხდება თუ ასეა -

ღამე ძლიერი წვიმისას მთა ხელოვნურად ფეთქდება. იწყება მეწყერი და ღვარცოფი. არც ერთი სახელმწიფო სამსახური არ მუშაობს. არც ერთი. ვერც ვერავინ ვერაფერს გებულობს, რომ არა ერთად-ერთი ფხიზელი ტელეკომპანიის ჟურნალისტები, რომლებიც იმ ღამით, ქალაქში გასულები არიან.

ადიდებული მდინარე, ქალაქის შუა ხეობას, ზოოპარკს, ქუჩებსა და მოედანს ტბორავს. არის დიდი მსხვერპლი. გარდაცვლილი ადამიანები. დახოცილი ცხოველები. გაპარტახებულია მთელი მიმდებარე ინფრა-სტრუქტურა.

იწყება საყოველთაო პანიკა. ქაოსი. საქმე რამოდენიმე დღე გრძელდება. ყველაფერს სტიქიური უბედურების იერი აქვს. ერთ-ერთ უფუნქციო და დატბორილ ფაბრიკაში, რომელიც კერძო საკუთრებაა, გაუჩინარებული ვეფხვი უცებ ისევ ჩნდება და ადამიანს კლავს. ყველაფერი ბუნებას და ოპოზიციურ პარტიას ბრალდება. ასევე ზოოპარკის დირექტორს.

ქვეყანაში ეკონომიკური კრიზისია. მთავრობა უუნაროა. ბიუჯეტი ნულზეა. სახელმწიფოს ასმილიონიანი ზარალი აქვს. თანაც ეს ყოველივე მომხდარით გადაიფარება. გარკვეული დროის შემდეგ, ზოოპარკი სხვა ადგილას გადაინაცვლებს და იმავე ადგილზე პარკი გაშენდება. ახალი პარკის, ახალი ზოოპარკის და იქვე მყოფი იმ დატბორილი ფაბრიკის მფლობელი ერთი დაინტერესებული პირია. მეწყერით მოგლეჯილი მთის მიმდებარედ, მთელი დღეები სამუშაოებია გაჩაღებული და ყველანაირი დივერსიის, ყველანაირი კვალი გამქრალია. სამაგიეროდ ზოგი ჭირი მარგებელია.

შეკითხვები გაქვთ?

დ. 18 ივნისი 2015