რუსეთის ფედერაციის საგარეო საქმეთა მინისტრის მოადგილე გრიგორი კარასინი არ გამორიცხავს, რომ საქართველოს მთავრობის წარმომადგენელთან, ზურაბ აბაშიძესთან შეხვედრის დროს აფხაზეთის სარკინიგზო მონაკვეთის საკითხი განიხილონ.

კარასინის თქმით, მისი და ზურაბ აბაშიძის შეხვედრა ივლისის შუა რიცხვებში შედგება:

„ჩვენ გადავწყვიტეთ, რომ შეხვედრა ივლისამდე, მაქსიმუმ შუა რიცხვებამდე გადაგვედო და მოვილაპარაკეთ, რომ შეხვედრის მონაწილეებს შორის ეკონომიკური ბლოკის წარმომადგენლებიც იქნებიან. ამ ჯერზე ჩვენი მხრიდან წარმომადგენელი ტრანსპორტის სამინისტროდან იქნება, რადგან ბევრი საკითხია ამ მხრივ განსახილველი. ჩვენ არ გვაქვს აკრძალული თემები იმ საკითხებზე, რომელიც ორმხრივ ურთიერთობებს ეხება. ალბათ, ეს თემაც იქნება განხილული. თუმცა, რკინისგზის საკითხში მესამე მხარეც არის, ამიტომ ძალიან სათუთი თემაა. ყველა საკითხი, რომელიც ასე თუ ისე შეეხება აფხაზეთს ან სამხრეთ ოსეთს, ჩვენ ჟენევაში ივლისის პირველ რიცხვებში განვიხილავთ", - ამბობს კარასინი.

მისივე თქმით, შეხვედრას საქართველოს ეკონომიკის სამინისტროს წარმომადგენელიც დაესწრება.