"რაც მე დავტოვე, იმ თამასის დაბლა დაშვებას არავის ვაპატიებ"- ივანიშვილი

პოლიტიკა - 19:19, 18 Jun, 2015

9002

ყოფილმა პრემიერმა ბიძინა ივანიშვილმა, რომელიც გამოცდების ეროვნულ ცენტრში ორგანიზაცია "მოქალაქის"ახალი პროექტის პრეზენტაციას ესწრებოდა ჟურნალისტებთან კომენტარი მოქმედი ხელისუფლების მუშაობაზე და ხელისუფლების წარმომადგენლებზე მის გავლენაზე ისაუბრა, მისი თქმით მთავრობის წევრებმა იციან , რომ ის იმ პოლიტიკური თამასის დაბლა დაწევას, რაც მან ხელისუფლებიდან წამოსვლისას დატოვა არავის აპატიებს, და ოპონენტები სწორედ ამიტომ ფიქრობენ , რომ ის მთავრობას არაფორმალურად მართავს:

“ თამასა, რომელიც ჩემი პრემიერობის დროს მე დავტოვე, იმ თამასას ვინც ვერ შეინარჩუნებს, რა თქმა უნდა, მე არ გავჩერდები. ეს იციან კარგად. აი, როცა ალასანიას თავის დროზე დაუსვეს კითხვა და კითხეს - შენ ამდენ ხანს მინისტრი იყავი და როდესმე დაგირეკა? რამე დაგავალა ან დაგაძალა? არაო. ვერ ვიხსენებ, მაგრამ ვგრძნობდიო. გრძნობდა იმას, რომ თამასას დაბლა დაწევაზე მე ხმას ამოვიღებდი. და თქვენთან ერთად... საზოგადოებამ უნდა მართოს, საზოგადოება არის ძალაუფლების წყარო. მე ვარ საზოგადოების წევრი და მაქვს გარკვეული ნდობა, რაც ათასჯერ მითქვამს, და იციან, რომ თამასის დაბლა დაშვებას არავის არ ვაპატიებ. აი, ეს აშფოთებთ, ეს მიაჩნიათ, რომ მე ვმართავ.“- განაცხადა ივანიშვილმა.