"ეს ბავშვები არ არიან ისეთები 90-იან, ან 80-იან წლებში რომ იყვნენ მათი თანატოლები"- სერგი კაპანაძე

სოც.მედია - 14:37, 18 Jun, 2015

3889

თსუ-ს პროფესორის მიერ სოციალურ ქსელში დაწერილ პოსტს იმის შესახებ , რომ ახალგაზრდებით აღტაცება თავის მოტყუება და სირაქლემას პოზაა, რადგან ყოველ სემესტრში უფრო დაჩლუნგებული თაობა მოდის, საქართველოს საგარეო საქმეთა მინისტრის ყოფილი მოადგილე, „საქართველოს რეფორმების ასოციაციის“ დამფუძნებელი, ექსპერტი სერგი კაპანაძე ეხმაურება:

„გუშინ ერთ-ერთ პროფესორს დაუწერია, რომ თვითმოტყუებაა ჩვენი ახალგაზრდების ქება და რომ რეალურად თითქოს ყოველ წელს უნივერსიტეტებში უარესი თაობა მოდის. სრულიად არასწორი შეფასებაა. ნამდვილად იყო დრო, როდესაც 2000-იანების შუაში რეფორმის მერე ერთი-ორი წელი იგრძნობოდა ზოგადი ცოდნის დეფიციტი პირველკურსელებში. დღეს პირიქითაა. ყოველი მომდევნო მიღება წინაზე უკეთესია. 12 წელია მინიმუმ ორ უნივერსიტეტში ვაწარმოებ ამ დაკვირვებას ყოველ წელიწადს. ამასთან, რაც მთავარია, ეს ბავშვები არ არიან ისეთები 90-იან, ან 80-იან წლებში რომ იყვნენ მათი თანატოლები. ეს არის თავისუფლების მოყვარული, თავიანთ თავში და შესაძლებლობებში დარწმუნებული, ტოლერანტული, და ამასთან პრაგმატული თაობა. ეს ის თაობაა, რომელსაც ძალიან კარგად ესმის როგორი ცხოვრება უნდათ. No-bullshit თაობაა, ბევრი წინა თაობისგან განსხვავებით... თუ რა შეუძლიათ ამ ბავშვებს, ძალიან კარგად აჩვენეს ამ დღეებში. ძალიან მაგრები არიან!!! აი ასე!!!“- წერს სერგი კაპანაძე