კრიზისების მართვის საბჭოს ხელმძღვანელის მინდია ჯანელიძის განცხადებით, ის ინფორმაციას დაკარგული ცხოველების შესახებ კომპეტენტური პირებისგან იღებდა და ამ შემთხვევაში მან ინფორმაცია მიიღო ზოოპარკის დირექტორისგან. მინდია ჯანელიძე მტაცებელ ცხოველებთან დაკავშირებით მის მიერ გაკეთებული განცხადების გამო საზოგადოებას ბოდიშს უხდის.

"მინდა ბოდიში მოვუხადო საზოგადობას იმის გამო, რომ უნებლიედ მოხდა არასწორი ინფორმაციის გავრცელება, მაგრამ მერწმუნეთ, ინფორმაცია ჩვენს მიერ მიღებული იყო ზოოპარკისგან, ასევე, ის გადამოწმებული იყო ყველა კომპეტენტურ უწყებასთან. მხოლოდ ამის შემდეგ მოხდა მისი მიწოდება საზოგადოებისთვის", - განაცხადა ჯანელიძემ.

ჯანელიძის თქმით ტრაგედიის გამომწვევი პასუხისმგებელი პირი პასუხს აგებს. "დაწყებულია გამოძიება და ვინც არ უნდა იყოს პასუხისმგებელი პირი ამ ტრაგედიის გამოწვევაზე, ყველა აგებს პასუხს", - აღნიშნა ჯანელიძემ.