„თავდაუხოგავად მუშაობენ მაგრამ თქვენ ხედავთ, რომ ჯერ კიდევ მძიმე ტექნიკის სამუშაოა რომ ნაგვის და ნარჩენების გატანა მოხდეს, იმისათვის რომ მივუდგეთ შენობებს და შევამოწმოთ რა დარჩა რისი აღდგენა შეიძლება , ასევე შესამოწმებელია საფუძვლიანად რამდენად მიზანშეწონილი იქნება რომ დავიწყოთ აქ ახალი ლაბორატორიის მშენებლობა და იქნება თუ არა უსაფრთხო“- განაცხადა თამარ სანიკიძემ.
სვანიძის ქუჩაზე იმყოფებოდა ივანე ჯავახიშვილის სახელობის თბილისის სახელმწიფო უნივერსიტეტის რექტორიც, რომელმაც ამ ლაბორატორიის მნიშვნელობაზე ისაუბრა და აღნიშნა, რომ ლაბორატორიის აღდგენა აუცილებელია.
„ეს არის სასწავლო ლაბორატორია, არსებობს 1962 წლიდან, აქ ტარდებოდა დაკვირვება მდინარე ვერეზე. გარდა ამისა, აქ ყოველწლიურად სასწავლო პრაქტიკას გადიოდა 560 სტუდენტი. აუცილებელია, რომ აღდგეს,“ - აღნიშნა ლადო პაპავამ.
მასალის გამოყენების პირობები






