"გასაჭირი წელში ვერ გაგვტეხს, გადავრჩით, ერთად ვართ და ესე იგი გვაქვს მომავალი"

"გასაჭირი წელში ვერ გაგვტეხს, გადავრჩით, ერთად ვართ და ესე იგი გვაქვს მომავალი" - სააკაშვილი (ვიდეო)

პოლიტიკა - 18:27, 16 Jun, 2015

2594

მიხეილ სააკაშვილი კიევის ქრისტეს შობის ტაძარში თბილისში, სტიქიის შედეგად დაღუპულთა სულის მოსახსენებელი პანაშვიდს დაესწრო დას ტაძარში შეკრებილებს სიტყვით მიმართა. ოდესის ოლქის გუბერნატორმა იმ ერთიანობაზე ისაუბრა, რომელიც საქართველოს მოქალაქეებმა სტიქით დაზარალებული დედაქალაქის მოსაწესრიგებლად და დაზარალებული მოსახლეობის დახმარებისას გამოიჩინეს.

"დიდი ტრაგედია დაატყდა საქართველოს, ძალიან ბევრი უდანაშაუკლო უმწიკვლო ადამიანი შეეწირა ამ სტიქიას. თითოეული მათგანის სიკვდილი თითოეული ეს ადამიანური ტრაგედია ძალიან მძიმე კვალს გვამჩნევს თითოეულ ჩვენგანს სადაც არ უნდა ვიყოთ ქართველები და საქართველოს შვილები, ჩვენ ვხედავთ მსოფლიოში ძალიან დიდ სოლიდარობას ქართველების მიმართ, ქართველები არ ვართ მარტო ამ ტრაგედიის პირისპირ. ჩვენ დავინახეთ წარმოუდგენელი ერთიანობა და ერთმანეთის გვერდზე დგომა ქართველების, თბილისელების, რომლებიც საკუთარი ხელით წმენდენ საკუთარ ქალაქს, ეძებენ დაკარგულებს, ეხმარებიან დაზარალებულებს. ეს ტრაგედია გახდა დიდი გამაერთიანებელი საქართველოში და საქართველოს გარეთ. გული მიკვდება, როცა ვხედავ რა ხდება თბილისში მაგრამ დარწმუნებული ვარ რომ ჩემი, ჩვენი თბილისი ამ ტრაგედიასაც მოიტოვებს უკან ჩამოიფერთხავს ამ გასაჭირსაც და ისე მაგრად გაიმართება წელში, როგორც არასდროს. იმიტომ რომ ჩვენ გვაქვს ისტორიული ინსტიქტი, რომ ყველაფერს უნდა გავუძლოთ, ყველა ჭირ-ვარამი უნდა გავიაროთ და მაინც წინ წავიდეთ. ქართველები ოპტიმისტი ერი ვართ, რომელსაც ვერცერთი გასაჭირი წელში ვერ გაგვტეხს, სხვანაირად ვერ გადავრჩებოდით. გადავრჩით, ერთად ვართ და ესე იგი გვაქვს მომავალი.“- განაცხადა მიხეილ სააკაშვილმა და უკრაინელ ხალხს თანადგომისთვის მადლობა გადაუხადა.