„შემდეგი, რამოდენიმე წელი მაინც არ დაგვავიწყდეს ეს დღე“, - წერს სოციალურ ქსელში ანეტი მიქელაძე და შემდეგ პოსტს ავრცელებს.

დღეს პირველად!!!!! მეტროში შესვლისას ერთმანეთს გზას ვუთმობდით, ჭყლეტვა არ იყო...

მერე კიდე "მარშუტკამ" მოუხერხებლად გამიჩერა და რომ ავედი, მაპატიე, სხვანაირად ვერ გავაჩერეო. მერე ტაქსმა რა პრობელმაა რამდენიც გაქვს იმდენი მომეო (ბევრი ვიარე დღეს ისე).
დღეს მე ამდენი დამშვიდებული, ცოტათი სევდიანი, მაგრამ მაინც ბედნიერი სახე არასდროს მინახავს. მიუხედავად იმისა რომ ვგლოვობთ, მაინც მშვიდად ვართ იმით რომ ვიცით, ჩვენს ქვეყანას არ ვკიდივართ!!!

სულ ერთი პაააატარა პაატარა ოცნება მაქვს.
მინდა რომ შემდეგი, რამოდენიმე წელი მაინც არ დაგვავიწყდეს ეს დღე, ისე გვესმოდეს ერთმანეთის, როგორც დღეს გავიგეთ. მე არ მგონია რომ ყველა ადმიანის შეყვარებას შევძლებთ, მაგრამ ყველას პირადი ცხოვრების პატივისცემა, თავისუფალი არჩევანი, ოცნებები, აზრები, ამის მიღება ხომ შეგვიძლია? გუშინ და დღეს მნიშვნელობა არ ჰქონდა, ვის რა ორიენტაცია აქვს, ვის ჯერა ღმერთის და ვის არა, ვინ არის ნაცი და ვინ - ქოცი, ვის ჰყავს ფულიანი მამიკო და ვის - არა.

ხომ ხვდებით, რომ ამას მერეც არ ექნება მნიშვნელობა?!

შევრიგდეთ რა, ჩვენი თაობა თუ არ დავიწყებთ, არავინ დაიწყებს...