რუსეთში მოღვაწე ქართველი ჟურნალისტი თბილისის სტიქიას სოციალურ ქსელ "ინსტაგრამზე" ეხმაურება. კანდელაკმა სამაშველო სამუშაოებში ჩართული ვიცე-პრემიერისა და ენერგეტიკის მინისტრის, კახი კალაძის ფოტო ატვირთა.

"დღეს საქართველო ტირის და ემშვიდობება იმ სტიქიური უბედურების მსხვერპლს, რომელიც ჩემს სამშობლოს დაატყდა თავს. მე თბილისში დავიბადე და ამ საოცარ ქალაქში გავიზარდე. ვფიქრობ, რომ თბილისი მსოფლიოში ულამაზესი ქალაქია. სადაც ერთმანეთთან შერწყმულია მეთერთმეტე და მეთორმეტე საუკუნეების და თანამედროვე სტილის სილამაზე. დიდი ხანია, არ ვწერ საქართველოზე, რადგან სააკაშვილის ხელისუფლების დროიდან არ მაქვს არც ძალა და არც სურვილი კომენტარი გავაკეთო ფსიქიკურად გაუწონასწორებელ ხალხზე, ვის ხელშიც ჩემი სამშობლო ჩავარდა. არ არის გზები, არ არის ორგანიზებული სისტემები მსგავსი შედეგბის თავიდან ასაცილებლად, მომხდარის შემდეგ მთავარი მიზანმიმართული მოქმედებაა. რუსეთიდან დახმარებაზე კი მათ უარი განაცხადეს. საწყენია. ვუყურებ ამ ფოტოებს, ადამიანებიც და ცხოველებიც ერთ ხაფანგში აღმოჩნდნე და თვალებიდან ცრემლი მდის. დღეს საქართველო ტირის, ტირის ყველა ქართველი... ქვეყანა, რომელიც ისედაც ეკონომიკურ ჩიხშია, მძიმედ დაზიანდა, დაიღუპნენ ადამიანები... მხოლოდ ლოცვაღა დაგვრჩენია. ნათელი ხსოვნა მათ, ვინც ნაადრევად წავიდა ამქვეყნიდან, ვუსამძიმრებ მათ ოჯახებსა და ახლობლებს" - წერს კანდელაკი.