რუსული მედიის ინფორმაციით, რუსეთის ფედერაციის განსაკუთრებულ საქმეთა სამინისტროს ხელმძღვანელმა, ვლადიმირ პუჩკოვმა თბილისის სტიქიის შედეგად დაღუპულთა გამო მწუხარება გამოთქვა, საქართველოს სტიქიის სალიკვიდაციო სამუშაოებში დახმარება შესთავაზა და 130 სათანადოდ აღჭურვილი მაშველის გაგზავნის მზადყოფნა გამოთქვა. მისივე თქმით, ორი ვერტმფრენი Ил-76 საქართველოში გამოფრენისთვის მზადყოფნაშია.
მედიის ინფორმაციით, ამის შესახებ პუჩკოვმა საქართველოს შინაგან საქმეთა მინისტრს ოფიციალური მიმართვა გამოუგზავნა.

თავად პუჩკოვის განცხადებით, ის პირადად ესაუბრა სამოქალაქო დაცვის სამსახურის ხელძღვანელობას და სამაშველო ოპერაციებში დახმარება შესთავაზა.

„ჯერჯერობით ჩვენი ქართველი კოლეგებისგან პასუხი არ მიგვიღია“ - განუცხადა პუჩკოვმა ჟურნალისტებს.