ესპანეთის მთავრობა სტიქიის შედეგად დაღუპულთა ოჯახებს სამძიმარს უცხადებს, საქართველოს მოსახლეობასა და მთავრობას კი თანადგომას უცხადებს და იმედს გამოთქვამს, რომ ჩვეული ვითარების აღდგენა მალე მოხდება. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

მწუხარება გამოთქვა ყაზახეთის რესპუბლიკის პრეზიდენტმა ნურსულთან ნაზარბაევმაც.

„ღრმა მწუხარებით განვიცადე თბილისში სტიქიური უბედურების შედეგად ადამიანთა გარდაცვალების შესახებ მიღებული ცნობები. ყაზახეთის ხალხის და პირადად ჩემი სახელით ვუსამძიმრებ გარდაცვლილთა ოჯახის წვერებს, ახლობლებს. გისურვებთ, სტიქიის ტრაგიკული შედეგები მოკლე დროში დაძლიოთ” - ნათქვამია საქართველოს პრეზიდენტითვის გაგზავნის სამძმრის წერილში.

გავრცელებული ინფორმაციით, პრემიერ-მინისტრი, აჰმეთ დავუთოღლუ ქართველ კოლეგას ტელეფონით დაუკავშირდა. მან მწუხარება გამოთქვა თბილისში მომხდარი სტიქიური უბედურების გამო და გარდაცვლილთა ოჯახებს მიუსამძიმრა.
სატელეფონო საუბრისას, თურქეთის პრემიერ–მინისტრმა საქართველოს ხელისუფლებისა და ქართველი ხალხის დახმარების მზაობა გამოთქვა.