”ბეჰემოტი ბეგლარი- არა როგორც ხსოვნის, არამედ როგორც სიცოცხლის სიმბოლო“

სოც.მედია - 16:43, 15 Jun, 2015

9912

„სამწუხაროდ იმ ადამიანებს ვისი ახლობლებიც დაიღუპნენ ზარალს ვერ აუნაზღაურებ“- წერს მწერალი სანდრო ნავერიანი და სტიქიის შედეგად დაზიანებული ზოოპარკის შესახებ ფეისბუკში შემდეგ პოსტს აქვეყნებს.

სანდრო ნავერიანი: „ძაან მეპაზორება ეხლა ამის თქმა მარა, მამენტ მაგრადაც მკიდია. მგონი დროა რაღაც მაინც გაკეთდეს სწორად და ამისათვის პირველ რიგში ყველაფერი უნდა მოწესრიგდეს, რომ პარალიზებული არ იყოს ქალაქი. ამის შემდეგ იმ ადამიანებს უნდა მიხედოს სახელმწიფომ ვინც დაზარალდა და ზარალი აუნაზღაუროს.
სამწუხაროდ იმ ადამიანებს ვისი ახლობლებიც დაიღუპნენ ზარალს ვერ აუნაზღაურებ, მაგრამ მაქისმალურად უნდა გაათავისუფლონ ყოფითი პრობლემებზე ფიქრისგან. ამ ყველაფრის შემდეგ, არ ვიცი ვინ, მაგრამ დარწმუნებული ვარ ბევრის თავში იქნება მსგავსი აზრი და ერთი მაინც, ცოტა უფრო ორგანიზებული და მეტნაკლებად სანდო ადამიანი, დაარსებს ფონდს, რომელიც უნდა იყოს გულიკო კონცელიძის სახელობის და რომლის მიზანიც ახალი ზოოპარკის აშენება იქნება და სადაც ნებისმიერს შეეძლება თანხის ჩარიცხვა და ადრე თუ გვიან, ეს ზოოპარკი აშენდება და უნდა აშენდეს არა იქ, სადაც იყო, არამედ სხვაგან სადაც ცხოველიც ცხოველად იგრძნობს თავს.
ყოველ ფეხის ნაბიჯზე ვიღაცად წოდებულის სახელობის ეკლესიის ასაშენებლად დამონტაჟებულ ყულაბებს, ჯობია ზოოპარკი ავაშენოთ. და ბოლოს, ის ტერიტორია სადაც ახლა ზოოპარკია და რომელიც წამის დაუგვიანებლად დამეტკა ილიამ, არაფერი არ უნდა აშენდეს, უნდა დაითესოს ბალახი, დაირგას ხეები და სადღაც შუაში უნდა დაიდგას ბეჰემოტი ბეგლარის მონუმენტი, არა როგორც ხსოვნის, არამედ როგორც სიცოცხლის სიმბოლო“.