„ერთიანი ნაციონალური მოძრაობის“ წევრი, დეპუტატი გიორგი ვაშაძე დავით უსუფაშვილის განცხადებას გამოეხმაურა, რომლის მიხედვითაც ვაშაძე პარლამენტის სხდომებს ოჯახური მდგომარეობის მიზეზით ხშირად აცდენს. გიორგი ვაშაძის განცხადებით, ოჯახური მდგომარეობის მიზეზით სხდომის გაცდენის სტანდარტი დავით უსუფაშვილმა დანერგა.

„ოჯახური მდგომარეობის გამო გაცდენა იწერება იმიტომ, რომ ეს სტანდარტი უსუფაშვილმა დანერგა. როდესაც ხარ მივლინებაში ან ამომრჩეველთან შეხვედრაზე, გიწევს დაწერო, რომ ოჯახური მდგომარეობის გამო ვერ დაესწრები სხდომას. მაგალითად დღეს იყო კომიტეტის სხდომა, მე ვხვდებოდი მოსახლეობას ვანში, იმას კი ვერ დავწერ, რომ მოსახლეობას ვხვდებოდი, უნდა დავწერო რომ მქონდა ოჯახური პრობლემა,“-განაცხადა გიორგი ვაშაძემ.