თბილისის მერი თვითმმართელობებში გაცემულ პრემიებთან დაკავშირებით „საერთაშორისო გამჭირვალობის“ კვლევაზე კომენტარისგან თავს იკავებს და ჟურნალისტებს ურჩევს, ამასთან დაკავშირებით კითხვები „ნაციონალური მოძრაობის“ წევრებს დაუსვან.

მისი თქმით, თავად პრემიებს არ იღებს.

„უმჯობესია, რომ ამ საკითხზე კითხვები დაუსვათ თბილისის საკრებულოში მოკალათებულ "ნაციონალური მოძრაობის" წარმომადგენლებს, რომლებიც თვითონაც უხვად იღებდნენ შესაბამის დანამატებს, პრემიებს და ასევე უხვად გასცემდნენ დაქვემდებარებულ პირებზე. ეს არის ბატონი აბესაძე, ქალბატონი სევდია უგრეხელიძე და ასე შემდეგ. მას შემდეგ რაც მოვედით თბილისის მერიაში, მნიშვნელოვნად შევამცირეთ შესაბამისი დანამატებისა და პრემიების მოცულობა“, - განაცხადა ნარმანიამ.

"საერთაშორისო გამჭირვალობის" კვლევის მიხედვით, 2012-2014 წლებში თვითმმართველობებში პრემიისა და სახელფასო დანამატის სახით 100 მილიონზე მეტი გაიცა.