მას, ვინც საარჩევნო ურნასთან მძიმე გადაწყვეტილება მიიღო - მუხრან ბურჭულაძის მიმართვა ექსკოლეგებს

სოც.მედია - 13:20, 12 Jun, 2015

1055

იუსტიციის სახლის ყოფილი ექსპერტი და ,,დემოკრატიული განვითარების ეროვნული ცენტრის“ ხელმძღვანელი მუხრან ბურჭულაძე, ყოფილ კოლეგებს სოციალური ქსელის მეშვეობით მიმართავს:

,,იუსტიციის სამინისტროს დაქვემდებარებულ სტრუქტურებში დარჩენილ ჩემს ძვირფას ექსკოლეგებს მინდა მოგმართოთ;

გახსოვთ ალბათ "ოქტომბერი 2012", ვისთვის მძიმე და ვისთვის საზეიმო, მაგრამ მთავარი ისაა რომ დღევანდელი რეგრესის სიმწარე ყველას გვაერთიანებს.

გახსოვთ ალბათ ვამბობდი, - მოდის დესტრუქციული და დამანგრეველი ძალა და რომ სიკეთის მოლოდინი არავის უნდა გვქონოდა.

მესმის, იმ დროს თქვენთვის და სამწუხაროდ არა მხოლოდ, 7 მილიარდის მფლობელის სიტყვა უფრო დამაჯერებლად ჟღერდა და ეკონომიკის, პრემიების, ხელფასის და ზოგადად სტანდარტრბის ზრდის იმედით ბევრმა თქვენგანმა საარჩევნო ურნასთან ქვეყნისთვის მეტად მძიმე გადაწყვეტილება მიიღო.

არ ვაპირებ დაწვრილებით ვისაუბრო თუნდაც საჯარო რეესტრში განხორციელებულ კონტრრეფორმებზე, თუმცა ის სიმართლე რასაც 7 მილიარდის ბრწყინვალება ფარავდა, დღეს თქვენთვისაც გაცხადებულია.

ახალმა მინისტრმა ღიად გვითხრა - არა რეფორმებს და არა განვითარებას!

იუსტიციის სახლები აღარ აშენდება, ინფრასტრუქტურული პროექტები აღარ განხორციელდება, თქვენი ხელფასის ზრდაზე საუბარიც აღარაა და ეს არა მხოლოდ თქვენ, არამედ ქართველ ხალხს პირში გვახალეს.

მინდა მჯეროდეს, რომ მომავალ არჩევნებში თვალისმომჭრელი ეფექტი არა ფულს, არამედ რაციონალურ ხედვას, რეალურ პროგრამას, ეროვნულ იდეოლოგიას და ფუნდამენტურ ფასეულობებს ექნება.

იმედი მაქვს არ ვცდები.“ - წერს ბურჭულაძე.