დეპუტატების სია, ვინც ყველაზე ხშირად აცდენს სხდომებს

პოლიტიკა - 12:46, 12 Jun, 2015

2058

პარლამენტის თავმჯდომარის დავით უსუფაშვილის თქმით, "ოჯახური მდგომარეობის" გამო სხდომების გაცდენა შესაძლოა პარლამენტის რეგლამენტიდან ამოიღონ. როგორც დავით უსუფაშვილმა განაცხადა, პარლამენტში გახშირდა გაცდენები ოჯახური მდგომარეობის გამო, რომელიც საპატიო მიზეზად ითვლება, დავით უსუფაშვილმა იმ დეპუტატის ვინაობა დაასახელა, რომელსაც ყველაზე მეტი გაცდენა მოუგროვდა.

„მაქვს სტატისტიკური მონაცემები, თუ რამდენი სხდომაა საპატიო მიზეზებით გაცდენილი. რეგლამენტით ოჯახური მიზეზებით სხდომის გაცდენა საპატიოდ ითვლება. მე ვფიქრობ საქართველოს პარლამენტის წევრები სხვა ადამიანებისგან არაფრით განსხვავდებიან და თუ სტატისტიკას გადავხედავთ სულ სხვა შემთხვევასთან გავქვს საქმე. ამოვიწერე 10 ხშირად გამცდენი დეპუტატის სახელები და გვარები, გიორგი ვაშაძე არ ესწრებოდა 66-სხდომას, დავით ბეჟუაშვილი არ ესწრებოდა 74 სხდომას, გიორტგი ლიპატრელიანი 93 სხდომას, გოდერძი ბუკუა 91-ს, რამაზ ნიკოლაიშვილი 94-ს, აზერ სულეიმანოვს 96, ყველაზე მეტი 101 გაცდენა კი კობა ნაყოფიას აქვს. თუ მათ რამე პრობლემები აქვთ ოჯახური მდგომარეობის გამო, ჩვენ მათ გვედით უნდა ვიყოთ. მესმის ისიც, რომ ჩემი სიტყვები ცინიკურად ჟღერს. საპროცედურო საკითხთა კომიტეტს ვთხოვ, რომ "ოჯახური მდგომარეობის გამო" სხდომის გაცდენა ამოღებული იქნას რეგლამენტიდან“,-განაცხადა დავით უსუფაშვილმა.