ოპოზიციურმა პარტიებმა და რამდენიმე არასამთავრობო ორგანიზაციის წარმომადგენლები დიპლომატიური კორპუსის წარმომადგენლებს შეხვდნენ.

შეხვედრაზე პოლიტიკური პარტიის წარმომადგენლებმა საარჩევნო სისტემის შეცვლასთან დაკავშირებით დიპლომატიური კორპუსის წევრებს საკუთარი ხედვები გააცნეს.

„მე არ მახსოვს საქართველოში არც ერთი ხელისუფლება, რომელიც ოპოზიციის შეთავაზებას იმ წუთშივე დათანხმებულიყო. ახლაც ასეთ სიტუაციასთან გვაქვს ადგილი. ჩვენს ხელთ პოლიტკური ბრძოლის დიდი არსენალია. ჩვენ ამ საშუალებებს გამოვიყენებთ და ძალიან დიდი იმედით ვარ განმსჭვალული ახალი პროცესების განვითარებისკენ. დღევანდელი შეხვედრა დიპლომატიური კორპუსის წარმომადგენლებთან იყო კიდევ ერთი სტიმული, რადგან მათ დეტალური ინფორმაცია შექმნილ სიტუაციასთან დაკავშირებით არ ჰქონდათ. ჩვენ ეს ინფორმაცია მივაწოდეთ“, - განაცხადა შეხვედრის დასრულების შემდეგ „ახალი მემარჯვენეების“ ერთ-ერთმა ლიდერმა მამუკა კაციტაძემ.