განათლების მინისტრი პრემიების დანამატებით შეცვლაზე IDFI-ის მიერ გამოქვეყნებულ კვლევას ეხმაურება.

თამარ სანიკიძის თქმით, ამის დარეგულირების ხარჯზე თითოეულ ადამიანზე ერთობლივად გაცემული პრემიის და დანამატის ოდენობა ბევრად შემცირებულია.

"რაც შეეხება იმას, რომ შემცირდა პრემია, მაგრამ გაიზარდა დანამატი, აუცილებლად უნდა ნახოთ და სახელმწიფო აუდიტის ანგარიშიც არსებობს, საბოლოოდ რა შედეგი მივიღეთ. მე რაც ჩავხედე და რისი ანალიზიც გავაკეთე, მითუმეტეს ჩვენს უწყებაში, ამის დარეგულირების ხარჯზე, პირიქით, თითოეულ ადამიანზე ერთობლივად გაცემული პრემიის და დანამატის ოდენობა, არის ბევრად შემცირებული, ვიდრე იყო აქამდე", - განმარტა თამარ სანიკიძემ.

სახელმწიფო უწყებებში პრემიების დანამატებით ჩანაცვლებაზე, შესაბამისი კვლევა, რომელიც 2014 წელს და 2015 წლის პირველ კვარტალს ეხება, IDFI-მ გამოაქვეყნა.