ვეტერანების საქმეთა სახელმწიფო სამსახურის უფროსი ირაკლი შიხიაშვილი საგანგებო განცხადებას ავრცელებს. შიხიაშვილი აცხადებს რომ 3 სანიკიძის სახელობის ვეტერანტა ჰოსპიტალის შესახებ ბოლო დრეების განმავლობაში სხვადასხვა სახის არასორი ინფორმაცია ვრცელდება, მისივე თქმით არასწორი ინფორმაციის გავრცელება ვეტერანების საქმეთა სამსახურის დისკრედიტაციის მცდელობას უკავშირდება.

„ჩვენი სახელმწიფოს ერთერთი მთავარი მიზანი ვეტერანების ჯანმრთელობაზე ზრუნვაა, ამიტომ ჩვენ ჯანდაცვის სხვადასხვა პროგარამები ავამოქმედეთ, დავაფინანსეთ ვეტერანებისთვის კომპიუტერული ტმოგრაფიის და მაღალტექნიკური კვლევების ჩატარება, მედიკამენტები, ოპერაციები და ყველაფერი ის, რაზეც საყოველთაო ჯანდაცვის პაკეტი არ ვრცელდება.

ვეტერანების საქმეთა სახელმწიფო სამსახური ყოველწლიურად ჰოსპიტალში 800 ათასი ლარის ჯანდაცვითი სერვისების მომსახურებას უფინანსებს ვეტერანებს. დღეს ჰოსპიტალის პირობები არ შეეფერება თანამედროვე სტანადარტებს. ის დანგრევის პირასაა. შესაბამისად, ვეტერანებისთვის მაღალი დონის მომსახურების გაწევა ვერ ხერხდება. ამიტომ, ჩვენ ვმუშაობთ ვეტერანებისთვის სამკურნალო-სარეაბილიტაციო ცენტრის შექმნაზე, რომლის აშენებაც თბილისის ზღვაზე იგეგმება. აქ თითოეული ვეტერანი შეძლებს ყველა სახის მაღალი დონის სამედიცინო მომსახურების სრულყოფილად მიღებას.

ჰოსპიტალთან დაკავშირებით საზოგადოებრივმა მაუწყებელმა ჟურნალისტური გამოძიება ჩაატარა. "გამომძიებელი რეპორტიორის" ფილმში სამსახურის შესახებ არაზუსტი ინფორმაცია და არაობიექტური შეფასებები გაჟღერდა, თუმცა დაირღვა თუ არა ჟურნალისტური ეთიკის ნორმები, ამას ჟურნალისტთა ქარტია დაადგენს, ჩვენი იურისტების მიერ შედგენილი სარჩელის განიხილვისას.

12 ივნისს, 12:00 საათზე სასტუმრო ,,ამბასადორში" ვეტერანების საქმეთა სახელმწიფო სამსახურთან არსებული საკონსულტაციო-სათათბირო საბჭო აღნიშნული თემების განსახილველად შეხვედრას გამართავს. შეხვედრაზე მოწვეულია პროცესში მონაწილე ყველა მხარე.

მიგვაჩნია, რომ ვეტერანების თემა არ შეიძლება იყოს გამოყენებული სპეკულაციისათვის.

მინდა ყველამ იცოდეს, რომ ხელისუფლება და ვეტერანების საქმეთა სახელმწიფო სამსახური ყოველთვის გააკეთებს მაქსიმუმს იმისთვის, რომ ქვეყანას ჰყავდეს დასაქმებული და ჯანმრთელი ვეტერანი და ყოველთვის დაიცავს მათ ღირსებას", - ნათქვამია ირაკლი შიხიაშვილის განცხადებაში.