სომხეთის ტრანსპორტისა და კომუნიკაციების მინისტრის, გაგიკ ბეგლარიანის განცხადებით, სომხეთსა და საქართველოს შორის „მეგობრობის ხიდის“ მშენებლობა უახლოეს თვეებში დაიწყება. ამის შესახებ ბეგლარიანმა ქვეყნის პარლამენტში სიტყვით გამოსვლისას განაცხადა.

„ხიდი პარიტეტულ პირობებში და ორივე მხარის თანაბარი ინვესტიციებით აშენდება, რისთვისაც ქართულ მხარეს მადლობას ვუხდით“ - განაცხადა მინისტრმა.

„მეგობრობის ხიდის“ მშენებლობის ხელშეკრულებას ხელი 2014 წლის 24 დეკემბერს მოეწერა, რომელიც მდინარე დებედზე, საქართველო-სომხეთის საზღვრის, სადახლო-ბაგრატაშენის საკონტროლო-გამშვები პუნქტის ტერიტორიაზე უნდა აშენდეს.