პრეზიდენტის ადმინისტრაცია ეროვნული ბანკიდან ზედამხედველობის სამსახურის გასვლის საკითხის გადადებას დადებითად აფასებს.

გიორგი აბაშიშვილის თქმით, მათი მხრიდან მუდმივად იყო ხაზგასმა, რომ საჭიროა კონსულტაციები ამ საკითხთან დაკავშირებით.

"კონსულტაციები უნდა ეფუძნებოდეს ევროკავშირის ექსპერტიზას. ევროკავშირის ექსპერტების ჩართვა აუცილებელია. მათ შორის განსაკუთრებულად მნიშვნელოვანია ჩაერთონ ევროპის ცენტრალური ბანკიდან ექსპერტები. ვფიქრობთ, რეალური კონსულტაციები მხოლოდ იმ შემთხვევაში იქნება შესაძლებელი, თუ იქნებიან ჩართულები ერთის მხრივ საერთაშორისო-საფინანსო ინსტიტუტები სრულად, მეორეს მხრივ კი ევროკავშირის ექსპერტები, მათ შორის ევროპის ცენტრალური ბანკიდან", - განაცხადა გიორგი აბაშიშვილმა.