საპროცედურო საკითხთა კომიტეტის თავმჯდომარის გიორგი კახიანის თქმით, ოპოზიცია ბოიკოტის გამოცხადებით უპასუხისმგებლოდ იქცევა.

როგორც მან განაცხადა, უმცირესობას პარლამენტის მუშაობის საქმიანობის ბლოკირება სურს.

„ოპოზიცია აგრძელებს უპასუხისმგებლო მოქმედებებს და ახდენს პარლამენტის საქმიანობის ბლოკირებას, მაშინ როდესაც ჩვენ ძალიან მნიშვნელოვანი კანონები უნდა განგვეხილა დღეს, რადგან ისინი ხელმძღვანელობენ პოლიტიკური შეხედულებებით რეგლამენტი ასეთ შემთხვევაში სანქციებს არ ითვალისწინებს, “ - ამბობს გიორგი კახიანი.

საკანომდებლო ორგანოში დღეს პარლამენტის სესიის სხდომა ქვორუმის არარსებობის გამო რამდენჯერმე ჩავარდა. ოპოზიციურმა საპარლამენტო პარტიებმა, საარჩევნო სისტმის ცვლილებასთან დაკავშირებით პრეზიდენტის სასახლეში შემდგარი შეთანხმების მონაწილეთა მიმართვის შესაბამისად, პროტესტის ნიშნად არ გაიარეს რეგისტრაცია იმ მოთხოვნით, რომ დაწყებულიყო საარჩევნო სისტემის ცვლილების შესახებ განხილვა.