„წადი და მიჩივლე. ისემც გიქნია ჩუსტები დაგიგლეჯია სტრასბურგში სირბილით“

„წადი და მიჩივლე. ისემც გიქნია ჩუსტები დაგიგლეჯია სტრასბურგში სირბილით“ - რეზო შატაკიშვილი გუგული მაღრაძეს

სოც.მედია - 14:41, 10 Jun, 2015

5212

დეპუტატ გუგული მაღრაძის მიერ გაკეთებულ განცხადებას სოციალურ ქსელში უამრავთა მწვავე გამოხმაურება მოყვა. „ტუტუცი, უსირცხვილო და უტიფარი დედაკაცი,“ - ასე ახასიათებენ უმრავლესობის წევრს ინტერნეტმომხმარებლები.

„რამდენი შტერი და საქმის არ მცოდნე გყავთ დასაქმებული და კიდევ ხელფასი არ გყოფნით?.. ვაი თქვენს თუ ჩვენს პატრონს“ - ვკითხულობთ კომენტარებში.

„არ გრცხვენია, რას მიედ-მოედები“, - ცხარობს სხვა. „თქვენი დონის „პროფესიონალები" რომ არიან ქვეყნის სათავეში, იმიტომ გვაქვს კარგად საქმე. ევროპარლამენტში თქვენი "ინგლისური" რომ მოვისმინე ... 200 ლარსაც არ მოგცემდით ხელფასს“...

გუგული მაღრაძის განცხადებამ სხვებთან ერთად რეჟისორი და ჟურნალისტი რეზო შატაკიშვილიც გააბრაზა, „ნიუპოსტი“ გთავაზობთ პოსტს, რომელიც მან „ფეისბუქის“ პირად გვერდზე განათავსა.

„გუგული მაღრაძე: „ ვისაც სამუშაო უნდა, ის მას ყოველთვის იშოვის.... სერიოზული, მცოდნე ადამიანი 2000 ლარად სამსახურში არც გაჩერდება."
კომუნისტკა მორალისტკა!
გუგულა ძალოოო, ახლა მომისმინე, იცი რას გეტყვი? მე არ მაქვს 2 ათასი ლარი ხელფასი და ვჩერდები სამსახურში.
ვინაა შენი არასერიოზული და უცოდინარი? ვინცაა უვიცი კარგად ეტყობა! ვინ წერდა 10 კაპიკიან ბროშურებს ”ახალი ადამიანის აღზრდა და ჰარმონიული განვითარება”? რომელსაც საჯარო ბიბლიოთეკა ასე უსაზღვრავს თემატიკას: ”ახალი ადამიანის აღზრდა, კომუნისტური მორალი”?
ვინ ამართლებდა კრიმინალის ზრდას - საზოგადოების განვითარების თანმდევიაო?
გუგულა ძალოო, შენზეა ზედგამოჭრილი, დაგაკვდება: „ვირმა პალო მოაძრო და იმდენი სხვას არა ჰკრა, რამდენიც თითონ იკრაო“.
შეგახსენებ: მე არ მეკუთვნის, ფოლკლორია, ფოლკლორი :))
დიახ, გუგულა ძალო, თუ გინდა ეს შეურაცხყოფად მიიღე, არ მენაღვლება - იმიტომ რომ შენ მომაყენე. წადი და მიჩივლე. ისემც გიქნია ჩუსტები დაგიგლეჯია სტრასბურგში სირბილით. თან შენ რომ ინგლისური იცი, გადარევ და გადმორევ“ :)))