ქვორუმი ვერ შედგა - ოპოზიციის ბოიკოტო უმრავლესობას საარჩევნო სისტემის ცვლილებასთან დაკავშირებით

პოლიტიკა - 13:55, 10 Jun, 2015

1182

ცოტა ხნის წინ საკანომდებლო ორგანოში პარლამენტის სესიის სხდომა ქვორუმის არარსებობის გამო ჩავარდა. ოპოზიციურმა საპარლამენტო პარტიებმა, საარჩევნო სისტმის ცვლილებასთან დაკავშირებით პრეზიდენტის სასახლეში შემდგარი შეთანხმების მონაწილეთა მიმართვის შესაბამისად, პროტესტის ნიშნად არ გაიარეს რეგისტრაცია იმ მოთხოვნით, რომ დაწყებულიყო საარჩევნო სისტემის ცვლილების შესახებ განხილვა. უმცირესობის გადაწყვეტილებაზე საკუთარი პოზიციის დაფიქსირებას შეეცადა ნაციონალური მოძრაობის წევრი გოკა გაბაშვილი, რომელსაც პარლამენტის ვიცესპიკრმა მანანა კობახიძემ მიკროფონი გამოურთო.

„თავისუფალი დემოკრატების“ წევრის ირაკლი ჩიქოვანის თქმით, პლენარული სესიაზე მათმა ფრაქციამ რეგისტრაცია შეგნებულად არ გაიარა და ამით გამოხატა პროტესტი იმ ფაქტის მიმართ, რომ ხელისუფლება სააჩევნო სისტემის საკითხზე ოპოზიციის წარმომადგენლებს არ უსმენს.

ამის შესახებ ჩიქოვანმა „ნიუპოსტთან“ საუბარში განაცხადა.

„თავისუფალი დემოკრატების“ უმრავლესობა იმყოფება პლენარლ სხდომაზე, მაგრამ ჩვენ არ გავიარეთ რეგისტრაცია, რადგან მიგვაჩნია, რომ როდესაც ხელისუფლება იყენებს შეუვალ ტონს და არ ესაუბრება ოპოზიციას საარჩევნო სისტემის რეფორმასთან დაკავშირებით, რომელიც ჩვენი ქვეყნისთვის სასიცოცხლოდ მნიშვნელოვანია, ჩვენ არ ვაპირებთ ამ ხელისუფლებას მივცეთ იმის კომფორტი, რომ ჩვენს ხარჯზე შეავსონ ქვორუმი და ჩვენს ხარჯზე მოაჩვენენო თავი საზოგადეობას ისე, თითქოს რაღაცის კეთება შეუძლიათ", - განაცხადა ჩიქოვანმა.

შეგახსენებთ, პარლამენტში ქვორუმის არარსებობის გამო სხდომა ვერ დაიწყო.